රජයේ පාසල්වල හා රජයේ අනුමත පෞද්ගලික පාසල්වල තෙවන පාසල් වාරයේ අවසන් අදියර පෙබරවාරි මස 5 වනදා ආරම්භ කරන බව අධ්යාපන අමාත්යාංශය නිවේදනය කරයි.
මෙවර උසස්පෙළ කෘෂි විද්යාව ප්රශ්න පත්රයේ 1 සහ 2 කොටස් යන ද්විත්වයම නැවත පැවැත්වීමට විභාග දෙපාර්තමේන්තුව තීරණය කිරීම හේතුවෙන් මෙලෙස වාර ආරම්භක දිනය වෙනස් වී ඇත.
කෘෂි විද්යාව ප්රශ්න පත්රය පිටවීමේ සිදුවීමක් වාර්තාවීමත් සමග විභාග දෙපාර්තමේන්තුව පසුගිය 12 වනදා එහි දෙවන කොටස අවලංගු කරීමට පියවර ගත්තේය.
විභාග කොමසාරිස් ජනරාල් අමිත් ජයසුන්දර මහතා නිකුත් කළ නිවේදනයේ දැක්වෙන්නේ පසුගිය 08 වනදා පැවති එම ප්රශ්න පත්රයේ පළමු කොටස ද අවලංගු කිරීමට තීරණය කර ඇති බවය.
ඒ අනුව මෙවර උසස්පෙළ කෘෂි විද්යාව ප්රශ්න පත්රයේ දෙවන කොටස පෙබරවාරි මස 01 වන බ්රහස්පතින්දා උදෑසන 08.30 සිට 11.40 දක්වා නැවත පැවැත්වීමට නියමිතය.
එහි පළමු කොටස පෙබරවාරි මස 01 වන බ්රහස්පතින්දා පස්වරු 01.00 සිට පස්වරු 03.00 දක්වා පැවැත්වීමට නියමිත බව එම නිවේදනයේ සඳහන්ය.
