නීති විරෝධී පිරමීඩ යෝජනා ක්රම වලට ජනතාව පොළඹවන්නන්ට එරෙහිව අපරාධ නඩු විධාන සංග්රහය යටතේ නීතිය ක්රියාත්මක කළ හැකි බව ශ්රී ලංකා මහ බැංකුවේ ප්රකාශකයෙක් සඳහන් කළේය.
ඒ අනුව එවන් පුද්ගලයන් වරෙන්තුවක් නොමැතිව අත්අඩංගුවට ගැනීමට හැකියාව ඇති බවද පැවසූ ඔහු එය නීතිමය වශයෙන් ඇප දිය නොහැකි වරදක් බව සඳහන් කළේය.
ශ්රී ලංකා මහ බැංකුව විසින් තහනම් කරන ලද පිරමීඩ යෝජනා ක්රම නීත්යානුකූල ඒවා බව හුවා දැක්වීම සඳහා විවිධ උපක්රම යොදමින් ඇති බව නිරීක්ෂණය වන බව ද හෙතෙම කියා සිටියේය.
මෙම පිරමීඩ ක්රම වෙනුවෙන් පෙනී සිටින්නන් සම්බන්ධයෙන් මහජනතාව විසින් මහ බැංකුවට පැමිණිලි කර ඇති බවද පැවසූ ඔහු මාර්ගගත ක්රම හරහා මෙම යෝජනා ක්රම නීත්යානුකූල බව පෙන්වීමට කූට ලෙස කටයුතු කරන බවත් පැවසීය.
