මුලතිව් – සෙම්මලෙයි ප්රදේශයේ දී ඔංචිල්ලාවක ලණුවක් ගෙලේ සිර වීමෙන් වයස අවුරුදු 10ක දරුවෙකු ඊයේ (20) සවස ජිවිතක්ෂයට පත් ව ඇති බව මුලතිව් – කෝකිලායි පොලීසිය පවසයි.
පොලීසිය පැවසූවේ, ඔංචිලි පදිමින් සිටි අවස්ථාවේ ලණුව ගෙලේ සිර වීමෙන් දරුවා ජිවිතක්ෂයට පත් ව ඇති බවයි.
මිය ගොස් ඇත්තේ, ප්රසාන්ත් දනෝෂ් නමැති දරුවෙකි.
දරුවා කඩිනමින් මුලතිව් රෝහලට ඇතුළත් කොට ඇති නමුත් එහි දී ඔහු ජිවිතක්ෂයට පත් ව ඇත.
මිය ගිය දරුවාගේ මරණය සම්බන්ධයෙන් පශ්චාත් මරණ පරීක්ෂණය මුලතිව් රෝහලේ පැවැත්වීමට නියමිත අතර, සිද්ධිය සම්බන්ධයෙන් කෝකිලායි පොලීසිය වැඩිදුර පරීක්ෂණ මෙහෙයවයි.
