යුක්තිය මෙහෙයුම මගින් ශ්‍රී ලංකාවෙන් මත්ද්‍රව්‍ය තුරන් කිරීමට ගෙන ඇති පියවර ප්‍රශංසනීය බවත්, මත්ද්‍රව්‍ය ප්‍රවාහනය සහ බෙදාහරින මහ මොළකරුවන්ද කඩිනමින් පාලනය කළ යුතු බවත් ශ්‍රී ලංකාවේ ඇමරිකානු තානාපතිනි ජූලි චන්ග් ඊයේ (8 වැනිදා) ප්‍රකාශ කළාය.
ශ්‍රී ලංකාවේ වත්මන් ආර්ථික තත්ත්වය, සාමකාමී බව සහ එදිනෙදා ජන ජීවිතය පිළිබඳව අතිශයින් සතුටු වන බවද ඇමරිකානු තානාපතිවරිය ප්‍රකාශ කළාය.
අධිකරණ ඇමැති ආචාර්ය විජයදාස රාජපක්ෂ සමග අධිකරණ අමාත්‍යාංශයේ ඊයේ පැවැති හමුවකදී ශ්‍රී ලංකාවේ ඇමරිකානු තානාපතිනි ජූලි චන්ග් එලෙස ප්‍රකාශ කළාය.
පාර්ලිමේන්තුවට ඉදිරිපත් කිරීමට නියමිත ත්‍රස්ත විරෝධි පනත් කෙටුම්පත, ජාතික සමගිය හා ප්‍රතිසන්ධාන කාර්යාල පනත් පිළිබඳ අධිකරණ ඇමැතිවරයා සහ තානාපතිනිය අතර එහිදී අදහස් හුවමාරු කරගෙන තිබේ.