සජබය විසින් යෝජනාකළ විවාදයට තමන් සූදානම් වුවත්, ඔවුන් තවමත් ඊට දිනයක් නොදෙන බව අනුර කුමාර දිසානායක මහතා ජාතික ජන බලවේගයේ මැයි දින රැළියට එක්වෙමින් අද පැවසුවා.
ඔහු පවසන්නේ ශිෂ්‍යත්ව ළමයි එකතු කරගෙන විවාදෙට බය නැහැ යැයි නොකියා මැයි 20ට කළින් දිනයක් තීරණය කර දැනුම් දෙන ලෙසයි.
තවදුරටත් අදහස් දැක්වූ අනුර කුමාර දිසානායක මහතා,
“සතුරාගේ ඇඬියාව, බේරෙන්න බැහැ. අර සජබේ කියලා එකක් තියෙනවා.
ඇඬියාවක්, විකාරයක්, ලෙඩක්.
අපිට විවාදයකට එන්න කියලා තියෙනවා.
අපි මැයි 15ට කළින් දින 04ක් දුන්නා.
දින 4ම එයාට වැඩ කිව්වා. රෑත් වැඩ.
ඊට පස්සේ අපි දැන් කියලා තියෙනවා මැයි මාසේ 20ට කලින් එයාට දිනයක් අපිට දෙන්න කියලා.
ඒ ඕන දිනයකට අපි ලෑස්තියි. මොකද මේ ඇඬියාව ඉවර කරන්න ඕනේ.
මේ ලෙඩේ ඉවර කරන්න ඕන. මළ කරදරයක්නේ.
මොනරාගල පැත්තේ ගිහින් පහේ ශිෂ්‍යත්වේ ළමයි එකතු කරගෙන කියනවා මම බය නැහැ විවාදෙට කියලා.
නිවටයෝ වගේ පැනලා යන්නේ නැහැ කියනවා.
බය වැඩිම හාදයා තමයි සොහොන ගාවින් හූ කියාගෙන යන්නේ” යනුවෙන් පැවසුවා.