ජනාධිපතිවරණය නියත වශයෙන්ම පැවැත්වෙන බව එක්සත් ජාතික පක්ෂ අනුරාධපුර ප්‍රධාන සංවිධායක ඒ.එම්.එස්.බී අබේසිංහ මහතා පවසනවා.
කැකිරාව ආසනයේ එක්සත් ජාතික පක්ෂ ජනාධිපති මැතිවරණ මෙහෙයුම් කාර්යාලය හා එක්සත් ජාතික පක්ෂ කාර්යාලය විවෘත කිරීමේ අවස්ථාවට එක්වෙමින් ඒ මහතා මේ බව කියා සිටියා.
ඒ අනුව ඉදිරියේදී පැවැත්වීමට නියමිත ජනාධිපතිවරණයේ පොදු අපේක්ෂකයා ලෙස ඉදිරිපත් වන වත්මන් ජනාධිපති රනිල් වික්‍රමසිංහ මහතා විශිෂ්ට ජයග්‍රහණයක් අත්කර ගනු ඇති බවයි ඒ.එම්.එස්.බී අබේසිංහ මහතා අවධාරණය කළේ.
එක්සත් ජාතික පක්ෂ අනුරාධපුර දිස්ත්‍රික් නායක අනුරාධ කස්තුරිආරච්චි, එක්සත් ජාතික පක්ෂ අනුරාධපුර ප්‍රධාන සංවිධායක ඒ එම් එස් බී අබේසිංහ, හිටපු අමාත්‍ය පී හැරිසන් යන මහත්වරුන් ඇතුළු පිරිසක් ද එම අවස්ථාවට එක්ව සිටියා.