මුදල් ඔට්ටුවට යතුරුපැදි රේස් පැදවූ තරුණයින් 7 දෙනෙකු අත්අඩංගුවට ගත්බව පානදුර උතුර පොලීසිය ප්රකාශ කරනවා..මෙලෙස අත්අඩංගුවට ගෙන ඇත්තේ මොරටුව, එගොඩ උයන සහ පානදුර ප්රදේශයේ පදිංචි 18,19,20,21 සහ 22 වයසැති තරුණයින් බව පොලීසිය වැඩිදුරටත් සඳහන්.
රාත්රි කාලයට පැරණි ගාලු පාරේ මහජනතාවට පීඩාකාරී වන අයුරින් අධික ශබ්ද නිකුත් කරමින් යතුරුපැදි රේස් පවත්වන බවට ප්රදේශවාසින්ගෙන් ලද පණිවිඩ මත පානදුර පැරණි ගාලුපාරේ ජුබිලි හන්දියේ සහ ඒ අවට තැන තැන මාර්ග බාධක යොදා කල වැටලීමකදී යතුරුපැදි 4ක් සහ තරුණයින් 7 දෙනෙකු මෙලෙස අත්අඩංගුවට ගෙන තිබෙනවා.
අදාල යතුරුපැදි වල සයිලන්සර් කපා හැඩ වෙනස් කර තිබූ බවත් ඒවා යතුරුපැදි රේස් වලදී හදුනාගැනීමට අංක කර තිබූ බවත් පොලීසිය සදහන් කරනවා..සැකකරුවන් පානදුර මහෙස්ත්රාත් අධිකරණයට ඉදිරිපත් කිරීමට නියමිත අතර පානදුර උතුර පොලීසිය වැඩිදුර පරීක්ෂණ පවත්වනු ලබනවා.
