බස්නාහිර පළාත තුළ ආදායම් බලපත්‍ර නිකුත් කිරීම සැප්තැම්බර් 27 සිට ඔක්තෝබර් 2 දක්වා අත්හිටුවන බව වාර්තා වෙනවා.
ඒ අනුව සැප්තැම්බර් මස 26 වනදා සිට කල් ඉකුත්වන වාහන ආදායම් බලපත්‍ර ඔක්තෝබර් මස 10 වනදා දක්වා දඩ මුදල් ගෙවීමකින් තොරව නැවත ලබාගැනීමට හැකියාව පවතින බවද සඳහන්.
අද (24) සිට ඔක්තෝබර් 6 දක්වා මාර්ගගත ආදායම් බලපත්‍ර නිකුත් කිරීම ද අත්හිටුවන බවයි රජයේ ප්‍රවෘත්ති දෙපාර්තමේන්තුව පවසන්නේ.
බස්නාහිර පළාතේ වාහන ආදායම් බලපත්‍ර නිකුත් කිරීමේ පරිගණක පද්ධතියේ යාවත්කාලීන කිරීමක් හේතුවෙන් තාවකාලිකව මෙම කටයුතු නැවත්වීමට පියවර ගත් බවයි වැඩිදුරටත් වාර්තා වෙන්නේ.
මේ අතර සබරගමුව පළාතේ සියලුම ආදායම් බලපත්‍ර මේ මස 27 හා ඔක්තෝම්බර් 02 දිනයන්වල නිකුත් කිරීමේ කවුළු වසා තබන බව සබරගමුව පළාතේ ප්‍රධාන ලේකම්වරයා පවසනවා.
ලේකම්වරයා පවසන්නේ මෙම පියවර ගෙන ඇත්තේ ආදායම් බලපත්‍ර නිකුත් කිරීමේ නව පද්ධතියක් හඳුන්වා දීමට පියවර ගැනීම හේතුවෙන් බවයි.