බස් ගාස්තු ගැන තීරණයක්.

ඉන්ධන මිල අඩු කළත් බස් ගාස්තු සංශෝධනය නොකරන බව ජාතික ගමනාගමන කොමිෂන් සභාව පවසයි.

ඊයේ (30) මධ්‍යම රාත්‍රියේ සිට ක්‍රියාත්මක වන පරිදි ඉන්ධන මිල ගණන් සංශෝධනය කෙරුණි.

ඊට අනුව, ඔක්ටේන් 92 පෙට්‍රල් ලීටරයක මිල රුපියල් 10කින් අඩුකර ඇති අතර එහි නව මිල රුපියල් 346කි.

ඔක්ටේන් 95 වර්ගයේ පෙට්‍රල් ලීටරයක මිල රුපියල් 03කින් ඉහළ දමා ඇති අතර එහි නව මිල රුපියල් 426කි.

ලංකා සුදු ඩීසල් ලීටරයක මිල රුපියල් 27 කින් පහළ දමා ඇති අතර එහි නව මිල රුපියල් 329 ක් වෙයි. 

ලංකා සුපර් ඩීසල් ලීටරයක මිල රුපියල් 03කින් ඉහළ දමා ඇති අතර එහි නව මිල වන්නේ රුපියල් 434කි. 

එමෙන්ම ලංකා භූමිතෙල් ලීටරයක මිල රුපියල් 2කින් අඩුවී ඇති අතර එහි නව මිල රුපියල් 247ක් ලෙස සටහන් වෙයි.