ලෝක කුසලාන එක්දින ක්රිකට් තරගාවලියේ තවත් පෙරහුරු තරග දෙකක් අද (30) පැවැත්වීමට නියමිතයි.
ඉන්දීය කණ්ඩායම සහ එංගලන්ත කණ්ඩායම අතර තරගය ගුහාටිහි දී පැවැත්වීමට නියමිත අතර, ඔස්ට්රේලියාව සහ නෙදර්ලන්තය අතර තරගය තිරුවානන්දපුරම්හි දී පැවැත්වීමට නියමිතය.
පුහුණු තරගාවලිය යටතේ ඊයේ පැවති ශ්රී ලංකා-බංග්ලාදේශ කණ්ඩායම් අතර තරගයෙන් බංග්ලාදේශය ජය හිමිකරගත් අතර, පාකිස්තාන කණ්ඩායම සමඟ පැවති තරගය නවසීලන්ත කණ්ඩායම ජය ගත්තේය.
කෙසේ වෙතත් ඇෆ්ගනිස්තාන කණ්ඩායම සහ දකුණු අප්රිකානු කණ්ඩායම අතර පැවැත්වීමට නියමිත ව තිබූ පෙරහුරු තරගය වර්ෂාව හේතුවෙන් අත්හැර දැමීමට සිදු විය.
