ශ්‍රී ලංකා කණ්ඩායම සහ බංග්ලාදේශය අතර දෙවන ටෙස්ට් ක්‍රිකට් තරගය චැටොග්‍රෑම් හිදි අද (30)ආරම්භ වනවා.
මෙම තරගාවලිය තරග 2කින් සමන්විතයි.
ශ්‍රී ලංකා කණ්ඩායම පළමු ටෙස්ට් තරගය ලකුණු 328කින් ජය ගනිමින් 1-0ක් ලෙස මේවනවිට ඉදිරියෙන් පසුවනවා.
අද තරගයට ශකීබ් අල්හසන් යළි බංග්ලාදේශය පිලට කැඳවීම සම්බන්ධයෙන් ඊයේ (29) පැවැති ප්‍රවෘත්ති සාකච්ඡාවේදී මාධ්‍යවේදියෙකු නැගූ ප්‍රශ්නයකට ධනංජය ද සිල්වා ලබාදුන් පිළිතුරක් පිළිබඳව එරට මාධ්‍යත් මේවනවිට කතාබහට ලක්කර තිබෙනවා.
ශකීබ් තරගයට කැඳවීම ගැන මොකද හිතන්නේ? යැයි මාධ්‍යවේදියෙක් විමසු විට
ධනංජය ද සිල්වා – “මට දැන් කිසිදෙයක් කියන්න බැහැ.”
මාධ්‍යවේදියා – ඔයා දැන් ශකීබ් ගැන කිසිම දෙයක් කියන්නේ නැද්ද?
ධනංජය ද සිල්වා – “මම මොකටද කියන්නේ? එයා මගේ කණ්ඩායමේ නෙමෙයි. බංග්ලාදේශ කණ්ඩායමෙන් තමයි අහන්න ඕනේ.”
මාධ්‍යවේදියා – ශකීබ් ප්‍රතිවාදී පිලේ ක්‍රීඩකයෙක්
ධනංජය ද සිල්වා – “මම මොකටද ඔහු ගැන කතා කරන්නේ. එයා මගෙන් ශකීබ් ගැන අහනවා. සමහර විට ඔයා මාව වැරදියට තේරුම්ගෙන ඇති.”