Fri. Sep 20th, 2024

වසර ගණනාවක් රාජ්‍ය ආයතනයකට ආයතනය පිළිබඳව පාරිභෝගිකයන් සතු ඒ විශ්වාසනීය හැඟීම රැක ගැනීම තරම් පහසු කාර්යයක් නොවේ.නමුත් වසර ගණනාවක ඉතිහාසයකට උරුමකම් කියන ශ්‍රී ලංකාවේ අංක එකේ ලාභ ලබන රාජ්‍ය ආයතන අතරින් ප්‍රමුඛතම ආයතනය වන ලිට්රෝ  සමාගම ඒකී විශ්වාසය අදටත් සුරකින ආයතනයක්.

ලිට්රෝ  සමාගමේ දුරදක්නා දැක්ම ඒවගේම නිසි කලට වෙලාවට අවශ්‍ය කරන තීන්දු තීරණ ගැනීම සහ පාරිභෝගික ජනතාව වෙනුවෙන් පහසු ආකාරයෙන් මිල තීරණය වැනි තීන්දු තීරණ ගැනීම හේතුවෙන් ලිට්රෝ  සමාගම මෙරට පමණක් නොව ජාත්‍යන්තර සම්මාන සහ තත්ත්ව සහතික රැසකටත් උරුමකම් කියන්න සමත් වුණා.

ඔවුන් ලබාගත් සම්මාන සහ ජයග්‍රහණ පිළිබඳ කතා කරන විට ISO 14001,OHSAs 18001 යන ජාත්‍යන්තර ප්‍රමිතීන්ගෙන් පිදුම් ලැබූ අතර ලිට්රෝ  සමාගමට එකී තත්ත්වය හිමි වුණේ නිෂ්පාදන වල ආරක්‍ෂාව සෞඛ්‍ය ආරක්ෂිත බව සහ ඵලදායී කළමනාකරණය යන තේමාවන් යටතේයි.

එමෙන්ම SLS 1672:2020 ප්‍රමිති සහතික වලින් පිදුම් ලැබීමටත් ලිට්රෝ සමාගම සමත් වුණා.එපමණක් නොවේ ලිට්රෝ  ගෑස් සමාගම විසින් නිෂ්පාදනවල පවත්වාගෙන යන සෞඛ්‍ය ආරක්ෂිත බව සහ ඉහළ ප්‍රමිතිය නිසා 2008 වසරේදී ISO 45001 තත්ත්ව සම්මානයෙන් පිදුම් ලබන්නටත් හැකියාව ලැබුණා.

මේ ඔවුන් ලැබූ ප්‍රමිති සම්මාන අතරින් කිහිපයක් පමණයි. ඊට අමතරව ලිට්රෝ  සමාගම සතුව විශාල සේවක මණ්ඩලයක් සේවය කරනවා.එම නිසාම ආසියාවේ වඩාත් ඵලදායී සහ ප්‍රධානතම එල්.පී ගෑස් ගබඩාව කෙළවර පිටිය ප්‍රදේශය පවත්වාගෙන යන අතර තවත් අලුත් මධ්‍යස්ථානයක් මාබිම ප්‍රදේශයේ ඉදි කරන ලදී.

ඒ වගේම ගෑස් බෙදා හැරීමේ මධ්‍යස්ථාන 37හතකට ආසන්න ප්‍රමාණයක් සහ ගෑස් බෙදා හරින සුළු මධ්‍යස්ථාන 1500 ක් ඒ වගේම ගෑස් අලෙවි මධ්‍යස්ථාන 11000ක් පමණ ලංකාව පුරා පිහිටුවා තිබෙනවා.එකී සංකීර්ණ මෙහෙයුම් ජාලාව ඇගයීමට පාත්‍ර කිරීම උදෙසා 2018 වසරේ ජාතික වෘත්තීය සුරක්ෂිතතා සහ සෞඛ්‍ය විශිෂ්ටතා සම්මාන උළෙලේදී ඒ වෙනුවෙන් ලෝකඩ සම්මානයක් දිනා ගැනීමට ලිට්රෝ සමාගම සමත් වුණා.

ඊට අමතරව 2018 වසරේ විශිෂ්ටතා සම්මාන ඇතුළු සම්මාන රැසක් දිනාගත් ලිට්රෝ සමාගම 2018 වසරේදී නැෂනල් ග්‍රීන් සම්මානයෙනුත් පිදුම් ලැබුවා.

ඉහත සඳහන් වෙන්නේ සමාගමක් වශයෙන් ඉදිරියට යන විට ඔවුන් ලැබූ ජයග්‍රහණ වලින් ඉතාමත් සුළු ප්‍රමාණයක් පමණයි.ලාබ ලබන ආයතනයක් වශයෙන් නිරන්තරයෙන්ම ජනතාව වෙනුවෙන් කැපවෙන ඔවුන්ට තව තවත් ජයග්‍රහණ සහ සම්මාන ලබා ගැනීමට හැකි සුභ අනාගතයක් උදා වේවා කියා අපිත් ප්‍රාර්ථනායක කරන්නෙමු. 

By Aloka

Leave a Reply

Your email address will not be published. Required fields are marked *