කැරට් අල කැබැල්ලක් උගුරේ සිරවීමෙන් මාස 19ක බිළිදකු මියගොස් තිබෙනවා.
අනුරාධපුර ශික්ෂණ රෝහලේදී සිදුකළ හදිසි මරණ පරීක්ෂණයේදී මේ බව අනාවරණ වූ බවයි සාලියවැව පොලීසිය සඳහන් කළේ.
සාලියවැව යාය හත පදිංචිව සිටි ‘සවීන් දුල්සඳ උපාධ්‍ය’ නමැති අවුරුද්දයි මාස හතක බිළි‍‍‍දෙකු මෙලෙස මියගොස් තිබෙනවා.
පසුගිය 11 වැනිදා පස්වරුවේ සිය නිවසේ සිටියදී මෙම අනතුර සිදුව ඇති අතර එම අවස්ථාවේදීම මව්පියන් විසින් එම බිළිඳාව 1990 ගිලන් රථ සේවාව ඔස්සේ නොච්චියාගම දිසා රෝහලට රැගෙන ගොස් තිබුණා.
එහිදී කඩිනමින් දරුවාව නොච්චියාගම දිසා රෝහලේ සිට අනුරාධපුර ශික්ෂණ රෝහලට යැවීමටයි පියවර ගෙන ඇත්තේ.
කෙසේ වෙතත් එලෙස රැගෙන ගියද දරුවා රෝහලට ඇතුළත් කරන අවස්ථාවේදී මියගොස් ඇති බවට මූලික විමර්ශනවලදී අනාවරණය වූ බව පොලීසිය වැඩිදුරටත් සදහන් කළා.