කාසල් රෝහලේ දරු ප්‍රසූතියකදී ප්‍රසූත කාමරය තුළ පියවරුන්ටත් රැඳීසිටීමට අවසර ලබාදී තිබෙනවා.
තම දරුවාගේ උපතේදී පියවරුන්ට ප්‍රසූත කාමරය තුළ සිටීමට ඉඩ සැලසීමේ නව වැඩපිළිවෙළක් රෝහල තුළ ක්‍රියාත්මක කර ඇති බව එම රෝහලේ අධ්‍යක්ෂ, වෛද්‍ය අජිත් දන්තනාරායන මහතා ප්‍රකාශ කර සිටියා.
එමෙන්ම පියා ප්‍රසූත කාමරයේ තබාගැනීමේ වැඩසටහන ක්‍රියාත්මක කළ පළමු රජයේ රෝහල කාසල් විදියේ කාන්තා රෝහල බව ඒ මහතා ප්‍රකාශ කර සිටි අතර මාතෘ වාට්ටුවේ සෑම මවකටම වෙන වෙනම කාමර සකස් කර ඇති අතර, දරු ප්‍රසූතියේදී සැමියාට තමා සමඟ සිටීමට අවස්ථාව සලසන වැඩසටහන තුළින් මවට යහපත් මානසික තත්ත්වයකින් දරුවා ප්‍රසූත කළ හැකි බවත්, මෙම වැඩසටහන තුළින් මවගේ වේදනාව දෙදෙනා අතර බෙදාහදා ගැනීමට හැකිවන අතර අඹුසැමි සබඳතා මෙන්ම දෙමාපිය දූදරු සබඳතාව වඩාත් ශක්තිමත් වන බවත් වෛද්‍ය අජිත් දන්තනාරායන මහතා වැඩිදුරටත් අදහස් දක්වමින් ප්‍රකාශ කර සිටියා.