කොටුව මහේස්ත්රාත් තිළිණ ගමගේ මහතා කොළඹ ප්රධාන මහේස්ත්රාත්වරයා වශයෙන් අධිකරණ සේවා කොමිෂන් සභාව විසින් පත් කර තිබෙනවා.
ඒ මහතා ලබන 22 වැනිදා නව තනතුරේ වැඩ භාර ගැනීමට නියමිත බව අධිකරණ ආරංචි මාර්ග සඳහන් කළා.
2008 වසරේදී මහේස්ත්රාත්වරයකු වශයෙන් සේවයට එක් වූ මහේස්ත්රාත් තිළිණ ගමගේ මහතා පළමු පත්වීම ලැබීමෙන් අනතුරුව අලුත්කඩේ මහේස්ත්රාත් අධිකරණය, කන්තලේ, කැබිතිගොල්ලෑව, මාතර කොටුව ඇතුළු මහේස්ත්රාත් අධිකරණවල මහේස්ත්රාත්වරයකු සහ දිසා විනිසුරුවරයකු වශයෙන් සේවය කර තිබෙනවා.
මහේස්ත්රාත් තිළිණ ගමගේ මහතා විසින් පසුගිය කාලය පුරා ආන්දෝලනාත්මක නඩු තීන්දු ප්රකාශයට පත් කර ඇති අතර ඒ මහතාට ජීවිත තර්ජන පවා එල්ල වී තිබුණා.
